Tu âs cirût la peraule
monolengâl
torne indaûr

monolengâl

dâsi dongje loc.v.
Di plui elements, materiâi o imateriâi, svicinâsi, cjatâsi o jessi insiemi
sinonims
dâsi adun, riunîsi, cjatâsi, tirâsi adun, tirâsi dongje
esemplis
"ogni dì dopo gustât, si devin dongje un cjap di feminis"
gjavât fûr di "Sot il puarti" di Pieri Menis
"e sunave la cjampane e ducj i «vicins» si davin dongje sot il tei a tratâ in libertât e paritât i lôr afârs"
gjavât fûr di "La aghe da pît la cleve" di Dino Virgili
"al è chest un dai elements che biel planc si dan dongje tal pinsîr telinian par definî in mût graduâl une vision li che il Friûl, dongje di chês altris tieris individuadis di plui linguiscj tant che ladinis, al è ricognossût tant che comunitât nazionâl"
gjavât fûr di "Lidrîs dal pinsîr autonomist" di Donato Toffoli
dâsi dongje loc.v.
Lâ un plui dongje di chel altri o tirâ dongje i propris elements cul risultât di jessi plui fis, di cjapâ mancul puest
esemplis
"si podeve viodi la lungje code di int che e rivave, man a man e si dave dongje tant che un fol di armoniche cuant che si siere te ultime sfladade"
gjavât fûr di "Cretevierte" di Roberto Ongaro
dâsi dongje loc.v.
Jessi o tacâ a jessi intune relazion sentimentâl o sessuâl
sinonims
metisi, compagnâsi, tirâsi dongje
esemplis
"al è lât in Americhe e si è dât dongje cuntune spagnole"
gjavât fûr di "I verbi analitici in friulano" di Federico Vicario
dâsi dongje loc.v.
Unîsi o coordenâsi cuntun altri element, materiâl o imateriâl, soredut par une cierte finalitât, cuntune cierte armonie
sinonims
dâsi adun, unîsi, associâsi, cumbinâsi, organizâsi
esemplis
"lis provinciis che a vuelin, al fin di valorizâ la coesion teritoriâl, sociâl e economiche de comunitât regjonâl, a puedin dâsi dongje e consociâsi par puartâ indenant cun plui profit il coordenament, l'indreçament e la progjetazion pe tutele e pe valorizazion de identitât linguistiche e culturâl"
gjavât fûr di "Di ca e di là de aghe" di Antoni Beline
"la Republiche di Vignesie si cjate denant di une coalizion di stâts che si son dâts dongje inte Leghe di Cambrai"
gjavât fûr di "Il Friûl de Joibe Grasse dal 1511" di Carli Pup
dâsi dongje loc.v.
Di alc che al è o che in cualchi maniere si pues calcolâ componût di plui elements o detais, tacâ a esisti, cjapâ consistence
sinonims
dâsi adun
esemplis
"intant, un timp plen di sconfuart si dave dongje"
gjavât fûr di ""Nocent"" di Maria Forte
"al sintive a dâsi dongje un temporâl, une tampieste"
gjavât fûr di "Chei di Muraie" di Pieri Menis
"tal so cjâf al lave dantsi dongje dut il dissen infernâl che il malvivent al veve studiât"
gjavât fûr di "Cretevierte" di Roberto Ongaro
dâsi dongje loc.v.
Lâ a vore tun puest, tune dite e v.i., insiemi cun altris
esemplis
"undis, dodis agns, Min si da dongje ae fornâs di Nardon a Terençan"
gjavât fûr di "Storie di Min" di Ivano Urli
dâsi dongje loc.v.
Fâ alc par se
sinonims
fâsi
esemplis
"brave come che e jere di cusî, si dave dongje, simpri, cualchi vistît par lâ a balâ"
gjavât fûr di "La fie çuete" di Maria Forte
torne sù